واحشني

واحشني كتير ..

حبيب القلب مشتاقلك

غيابك طال ..

تعالى تعبت من فضلك

مكانك فاضي ..

ومين يملاه

------

بنادي عليك ..

ياريت تسمعني من قلبك

وحس بحالي ..

دا حالي صعب من بعدك

صبرت كتير ..

لحد الآاه

------

في كل غنايا باكتبلك ..

واعاتبك وانت مش داري

وكل دقيقة باحسبها ..

في بعدك عني ياغالي

ياريت ترجع بقى كفايا ..

تطمن روحي برجوعك

تفرح قلبي وتنور ..

مكانك روحه من روحك

-----

معايا ف كل أوقاتي ..

وصورتك ساكنة ف عنيا

وانا نايم وانا صاحي ..

باحلم تبقى حواليا

حبيبي عندي بالدنيا ..

دا من غيرك ماتنفعشي

وكل دقيقة بتعدي ..

تضيع وتروح ماترجعشي

-------------------

أحمد ثابت عبده