راديو ثابت

وَلاَ دُنيا تِفضل عَلى حَالها وَلا ظُلم حَالُه يِعيش وِيِدوم وِلابُد يِتْغَيَّر حَالنا يِرْأَف بِحاَلنا الْحَق فِى يُوم حَالنا اِللِّى كَان بِيوَدِى جُيوُش أيَام زَمَان يُنْصر وَاحْدَة دِلْوَقتى حَالنا عَلِيه مَأْسُوف فِى الْخِسَّة كُلِنا إِيدْ وَاحْدة عَلِمْنا غِيرْنا اِلْخير سَبقوا عَلى حُب بَعْض بِيتْسَابْقوا واحْنا اللِّى غَيَّر حَالنا الْغِير عَلى حَالنا كَانوا بِيتْفقوا وَلاعُمر حَالنا هَايتغَيَّر طُول مَاالْكِبير فِينا صُغير بَرامِيل سَبَايك فَاضْيَة عُقول نَاقْصَة عَلينا بِتتْمَنْظر نَاس فِى الْهَيَافة تِعَدِى بِحُور وفِ الْدَّنَاوَة تِهَادى قُصُور وتِرْمى فِى الأرْض فِلوسْهَا نَاس فِ الصُومَال بِتَاكُولها نسُور شَاغلِين حَياتنا بمِين مَع مِين رَاحُوا فِين وِلادْنا وحَقِنا فِين حَتى الكِلاب المَصْعُورة سَايبنها تِنْهش فِى فِلسطين أُمَّة وِكَانِت يُوم لمَّا فِى الْحَق كُلَها مِتْلمَّة دِلوَقتى فِيها الزُور مَنْظور يَاخسارة لِيه مَابَقاش ذِمَّة ------------------------ تحياتى أحـــــمد ثابـــــت

  عَـلَـى قَـدْ مَاخَـدْنِى هَـوَاه  وِسْهِرْت كِتِير ف عِـنِـيـه احـْـتَـرْت يـَانـَاس وَيَّـــاه  أشْـكِـيـلُـه والـْلَّا أشْـكِـيـه مِشْ ذَنْبِى اِنِى اَنَا بَاهْوَاه عــَايــِش دَايـْـمـَـاً لـِهَـوَاه لِيـه يِخَبِى الشُوق جـُـوَّاه  ويِـسِـبْـنِـى يَانَاس مِحْتَار  صـَابـِر وِالـْصـَبـْر مـَعــَاه  اَهــُـو طـَوِّل وَلَا بـِيـِمِـيـل  عـَذِبـْنـِى كـِتـِيـر فِى هَوَاه  وِيـُقـُولـِّى الـْصـَبـْر جَـمِيل وِلِإمـْتـَى الـْحـَال دَه مـَعـَاه الـْعـُـمْـر اَهـُو ضَاع وَيـَّاه وِجـَـزَاةْ اِلـْلـِّى بـِيـِهــْــوَاه دَايـْمَـاً بِيِعِيش فِ الْـنــَّار --------------------- تحياتى أحـــمد ثابـــت

لو تفهمينى 25 يناير2011 ------------- ماحدش اختار ابوه ولا فين يوم ماتولد لوعنك يوم اتوه ابقى من غير بلد احترت فيكى اشتكيكى واللا ايه لو تفهمينى كان هيجرى بس ايه كان غصب عنى لما أرمى عليكى همى طب مين ياامى أجرى واتحامل عليه حسى بيا واحضنينى طبطبيلى وطمنينى وامسحى دمعى بحنانك قربى ف قلبى مكانك لو تفهمينى كان هيجرى بس ايه دانتى عندى اغلى منى حتى موتى مش هاممنى شكوتى جت غصب عنى لما فاض كيلى وهمى لو تفهمينى كان هيجرى بس ايه --------------------- من كلماتــــى احــمـد ثـابــت

  طفى ف نارك     دارى ف عارك   ضل و ماشى خلف مبارك قوم واتحرك   ليه تتفرج     هَمْ وبارِك جوة ف دارك ولع فيها وقال هاحميها مهما تولع ربى حاميها تيه ومضلل مش هاتطوِّل بكرة شبابنا اللى هيبنيها كل دقيقة حريقة نطفى   نصرخ ساكت ليه مااعرفشى   انسى امبارح قوم ماتخافشى اعمل حاجة قبل ماتمشى ايه هايفيدك قدام ربك  غيرعملك والكل يحبك راجع روحك قبل ماتندم راجع قبل الناس ماتسبك لو بتفكر انك اقوى بكرة الموت ياخدك على سهوة ياما قبلك راحو فين بعديها ياما قبلك كانوا منك اقوى الحق لسة الدنيا ف ايدك   قبل ماتيجى شوطة تشيلك قوم ورينا وهاتللى دليلك طب قول عارف قول مااعرفشى نصرخ ساكت ليه مااعرفشى --------------------------- اتـخـنـقـت أحـــمد ثابـــت

قربيلى واحضنينى دا الحنين والشوق مال ينى ضمى قلبك جوة   قلبى حسى بيا حسى حبى من زمان محتاج لحضنك أصل منك زعلان تمللى تبعدى وتغربينى قربيلى واحضنينى قربى من قلبى اكتر ياما عاش حيران يفكر وف بعادك يشتاق فؤادك وف غيابك محتاج حنينك من زمان باشتاق واخبى بس كان بيبان عليا قربى خليكى جنبى حسى نارى حسى بيا اسمعى صوت دق قلبى جربى تبصى ف عينيا تعرفى كان ايه مخبى والله   كان صعبان عليا تبعدى وتغربينى قربيلى واحضنينى ------------------- أحـــمد ثابـــت

لوقولت هابعد  صدقني باكدب مااقدرش اعيش  من غير هواك لو قولت هاوعد  كدا بردو باكدب مااقدرش اكون   ليك أو معاك  احترت فيا  واحترت فيك ان كان عليا  أنا روحي فيك  ----------- أحمد ثابت رضوان 

خلينا اصحاب أحسن لينا لانخاف من بكرة ولايجينا الحب وشوقنا ف ليالينا ونقول الآاااه توجع ف القلب مش عايز أكون حد أنانى بحبك ليا أنا خايف أشوف قلبك يضعف صعب عليا خلينا ياريت زى الأول من غير مانحب عايشين بندارى ف أشواقنا كدة جوة القلب وبقولهالك من دلوقتى ورزقى على الله   حبيتك آه بس الوقتى الحب انساه و ياريت نفضل زى الاول من غير مانحب طول ماحنا بنقدر نتعلم هيفوت الصعب صدقنى كدا أحسن لينا ونكون أصحاب نزعل ونعاتب بعضينا ونرجع أحباب بلا حب وهجر وأشواقه ووجع ف القلب خلينا اصحاب أحسن لينا من غير مانحب ------------------------------------ تحياتى أحمد ثابت

ما بحبهاش ولا قادر ابعد عنها  مابحبهاش وباغير من اللى يحبها ولا اقولهاش ولا ثانية تبعد عن بالى طب بس مرة تشوف حالى ماتنيهاش مابحبهاش باكدب عليا واللا خايف من روحى والله لاتروح بلاش واخاف قوى من رد الفعل لأظهر بشوقى ف لحظة ضعف ولافيش ف حبى صوم ولاصبر ولا سر عاش مابحبهاش باكدب عليا واللا خايف من روحى والله لاتروح بلاش وأنا اللى عايش بالمبدأ لوكلى شوق عمرى ماهابدأ احلفلها لما تصدق واقول ماجاش مابحبهاش --------- تحياتى أحمد ثابت

فل من الفلول واحد م النظام كان زمان يقول نسمع الكلام ما هو فل ولا عمره يفهم إيه ثورة و تاريخه عارفينه طبعاً بالفطرة ونظام راحت عليه وكلام ولا نرضى بيه لو يوم قلناله آااااااااه نستاهل اللى احنا فيه واللهِ لو  يبقى الريس يبقى أكيد شعب مهيس فل من الفلول واحد م النظام كان زمان يقول نسمع الكلام ما هو فل ولا عمره يفهم إيه ثورة و تاريخه عارفينه طبعاً بالفطرة وازاى نبقى عليه ده الجاى هنبكى عليه وساعتها اللى يكون ونفضل ف اللى احنا فيه واللهِ  فل مايحكمشى لاسيبلكم مصر وهامشى ------------------------ تحياتى  أحــمد ثابــت

ياخسارة يابلد حملك تقل ولافيش سند ليه كل مرة بتحلمى تتعشمى تجيبى الولد تتوجعى تتألمى تتمطعى لأجل السند والكل واقف ف انتظار  ياحسرة زادت بالمرار ناسيين ان انتى بتحلمى ولا مرة حلمك اتوجد لو بس مرة تفهمى مش كل مولود ولد   ونسيتى كل حمل فات خايبة وكان خلفك بنات إلاها مرة كان ولد وسط البلد كان يوم فريد كان يوم ميلاده لما اتولد أصبح شهيد وكل مرة بتحلمى وبتحملى يمكن يفيد الحلم مشروع احلمى طول ما النفس موجود أكيد يارب يتكرر ميلادك اللى اتولد وسط البلد ويكون ولد ويعيش ياريت ------------------------ تحياتى احمد ثابت

ثورة ما تَمِّت  راكب عليها مليون غُراب والساحة لمِّت من كل حتة عايزين خَراب حبة عرايس  بتهز فيها كام إيد خفِيَّة وكلام هجايس  باين عليها دى مسرحية سيرك اتنصب ع الخلق   خليه بيتفرج ربك بقى والحق الناس دى بتهرج بينادوا فينا يا حُرِّية  وبيكتموا فيها و فِيَّا ماهى تمثيلية ابطالها مش حاجة عادية حبة عرايس  بتهز فيها كام إيد خفية وكلام هجايس  بيحلوا بيه المسرحية رافعين ف صُوتهُم وكأنه بيتهم والشعب ضيف جى شوية حاسين بحالهم وكأنه مالهم والباقى ماله فيها قضية ماهى تمثيلية ابطالها مش حاجة عادية ------------------------ من كلماتى أحـــمد ثابـــت

مجرد سؤال ------------------------------ أهلاً وسهلاً شرفتم أنا النهارده ف مطرحكم ومعانا ضيفنا معالى البيه يمكن كلامه يريحكم مجرد سؤال كل اللى عايزينه هقوله دا احنا ماصدقنا نطوله يمكن نلاقى عنده اجابه جوه عينيه الكدابة مجرد سؤال مجرد سؤال انا هاسأله يمكن كلامى يزعله راح  ابنْ بلدى ياباشا شهيد لو كان ده ابنك ايه تعمله؟ مجرد سؤال مجرد سؤال للى كسر  قلوب ملايين البشر ايه بس جالك من كده   ياابو قلب أنشف م الحجر مجرد سؤال باسأل سؤال أنا ع الهوا  يوصل لأعلى مستوى أنا شِلت منك واستوى قلبى على ولدى انفطر مجرد سؤال آخر سؤال للمستمعين ليه بس فى الاحداث تايهين؟ علشان سعادته يفرقكم ويبان أخيركم مين مع مين خلص الكلام خلص اللقا ولا فادش كلام ولا فرٍْق بين كل الأيام نفس الكلام بعد ماثورنا بقى هو هو نفس النظام ياللا وسلااااااااااام ---------------------------- من كلماتى  أحمد ثابت

مولد ما لوش صاحب والخلق متلمــية الـكل متـــــــــصاحب ولكل واحد نـية   وأهو لمــــــلم المولد من البشر ألــوان فـــيه اللى ليه يقصد واللى اتوهبله مكان واللى يعيشه حيرة خايف قوى وقلقان واللى انقضى عمره ساكت من الاحزان وانا اللى باتفرج تايه ماليش عنوان مولد ما لوش صاحب والخلق متلمــية الـكل متـــــــــصاحب ولكل واحد نـية      مابقتش فى المولد      عارف اروح على فين كل الوجوه واحدة مقسومة بين اتنين ع الفرقة متواعدة  مابقتش عارف مين لورحته يشبهنى ولا عارف اشبه مين كل الدروب باعدة  مجهولة العنوان مولد ما لوش صاحب --------------------------- من كلماتى أحـــمد ثابـــت

طريق الهداية --------------- هابدأ بذكر الله هو القدير ف علاه وأصلى وأسلم ع النبى المهداه متجمعين فى الخير يارب من ده كتير فرحان قوى بيكم ومهما قلت قليل بحبكم فى الله وحبكم بالقاه فى ذِكره وف طاعته وده اللى باتمناه يارب شكراً ليك اهدتنى ف حياتى اجمل صحبة ف طريق مليت بيها حياتى يارب دايماً معايا ف طريق الهداية --------------- شكراً لوجودكم فى حياتى أحمد ثابت

وعـدتـــك وعدتك إنى أكون ليـــــكى      وأكون الفرحة ف عينيكى أكون فارس ف أحلامــــك   أكون شمسك ف أيامـــك أكون قمرك ف لياليـــــكى      وعدتك إنى أكون ليــــكى الدور والباقى عليكى ياللى   بتوعدى وتخلى تمــــــللى وعدتى قلبى وصدقتــــــك شغلتى فيه لما عشقتــــك وليل نهــار أنا بناديــــكى  وعدتك إنى أكون ليــــكى تعالى نتفق مع بعــــــــض  وتوعدينى تكونى ليــــــــا وينسانا الخصام والبعـــــد   ونرضى بالفرح شويــــــة وأكون حارس فدا عينيكى  وعدتك إنى أكون ليـــــكى ----------------------------------------------- كلمات / أحمد ثابت

ثورتنا عملنــا ثورتـــــنا                  ونزلــنا بالملاييــــــــن تتحدى قوتنـــــــا                  محــــنة بقالها سنيـــن جايين بأعلامـــنا                  أحلامنـا قــــــدامـــــــنا يمكن يكون بيــنا                 موجـــود صلاح الديــن يلملم الأمة ف علاها زى زمان                          ويوحد الكلمة ع السنة  والقرآن واللـي يعيش بينـــــــــــــا        أكــــيد يكون مــــــــــنا ووطنــا هايساعــنــــــــــا        ونعيش سلام وأمـــــان وتعيش بلدى قويـــة  بجد                              ولا نحتاج كدا يوم من حد        والخير فيـــها يفـوق الحد     ونشوف أحلامنا ل قــدام يا رب وفقــــــــنا                 يـــا رب اهديـــــــــــــنا حب الوطن فينــا                 أســمــى أمانيــــــــــــنا ----------------------------------------------- كلمات أحــمد ثابــت