زي السراب

كنت قاعد ويا نفسي ..

قولت اخدها شوية وامشي

اتقابلنا صدفة باللي ..

خطفت روحي ف ثانية مني

قلبي قالي روح وراها ..

ليه تسيب روحك معاها

لو تروح الروح مافيش ..

حد من غير روح يعيش

كل يوم م النجمة ادوّر ..

ع اللي خلت حالي اتغيَّر

العيون مش لاقي فيها ..

اللي انا بادوَّر عليها

اختفت زي السراب ..

زي فص ملح وداب

كل مااسأل حد عنها ..

يبكي من غير أي كلمة

قلبي حس بالنهاية ..

قولت اسجل الحكاية

ع الحيطان عشان تبان ..

وتفكرني بيها كمان

كنت قاعد ويا نفسي ................ الخ

--------------

أحمد ثابت رضوان