راديو ثابت

تعبني الشوق ..  وجاب آخري .  ولا قادر ..  أروح أقوله .    وعشقي ليه  ..  دا من بدري .  وقلبي من زمان ..  مال له .     وهاجي على روحي وقلبي ..  واحوش نفسي   واكفّر في البعاد ذنبي ..   أنا وقلبي  عشان أصلاً ماهوش حاسس ..  ولا داري ايه الموضوع  وانا اللي لوحدي باتعذب ..  وقلبي اللي يبات موجوع . ----------------- أحمد ثابت رضوان

احتارت ف وصفه ..  وجماله من يومها وروحي ..  رايحاله في عنيه الواسعين ..  توهت صراحة ورموشه القاتلة ..  الدباحة  دبحت قلبي ..  يانا ياغلبي  سلمت خلاص .  كل الحلوين .. جنبه اتداروا  دا مامافيش اتنين .. كدا في جماله  بدر منور .. غير كل الناس   ورقيق في كلامه .. كدا وحساس . --------------------  أحمد ثابت رضوان

واسعة عليك العباية ..  بادعيلك بالهداية  تعرف مطرح ماجيتنا ..  وترحل للنهاية .  فهمنا المسرحية ..  من أول البداية  وعيونك باينة فيها ..  أبعاد كل الحكاية فاشل حتى ف تمثيلك ..  وكلامك كان كله كلام  بتبيع للناس غنا مواويلك ..  وتبروزها بالألحان .    جمهورك مأجور ومجامل ..    ماهو زيك معجون برياء  تعابين بالسم بتتعامل ..    والظاهر للناس ترياء متشكر جداً جداً ..  انك جبت من الآخر  نزلت قناعك بدري ..  وادي وشك بان ع الآخر .  ------------------------- مع الاعتذار للفنان القدير محمد سعد أحمد ثابت رضوان

ليه لما افتح واللا اغمض  اشوف عنيه احساس ياخدني  كل ثانية  لشوقي ليه أروح اقابله عشان اقوله    أكون قصاده  أنسى الكلام واسكت أوام  مااعرفش ليه احساسي جوايا ارتبك  متلخبطة وانت السبب     مانت أول حب ليا بابتديه    مش مرة واحدة عادي هاتعود عليه  --------------------------- أحمد ثابت رضوان                                            

ولا حد يستاهل ..  دمعة وحزن عليه ياما كنت باتساهل ..  كتير في حقي عليه وأنا اللي استاهل ..  طولت بالي كتير عودته اتحايل ..  ولا جيبش حق عليه  لو كنت م الأول ..  كان ليا حد معاه  ماكانش يتحول ..  واحتار ياناس وياه  ولا كنت هاتحمل ..  وضاع زماني ف آه  صبري معاه طول ..  وشكوتي لله .  جرح القلوب الطيبة ..  بقى سهل جداً  وانا كنت فاكرك غير كده ..  اجرحنى شكراً  وهاوعدك م الوقت ده ..  أنا هاتغير كتير   واجرح قلوب كل البشر ..  واخلي جرحك كبير   ------------------ أحمد ثابت رضوان

7 / 11 / 2012 يامَلـَكْ . من السمااااا .. فرح . قلبى أنااااا ياهدية ربنا .. يجعل ميلادك هنا غصبٍ عنى . لقيتنى بأغنى . بفرحة قلبى أنا ليها أنا مستنى . وشوقى جايبنى . وياما حـِلمت أنا بيها اِدعوا معايا . وشاركوا منايا . يارب باركلـِنا فيها طول ماهى جنبى . حبيبة قلبى . هاشيل وأبُوس أنا فيها والبُوسة دى منى أنا .. لحبيبة قلبى أنا ياسلام على حضنها .. أنا طاير فى السماااا هى دى حتة . بجـد مامتها . يارب يبارك فيها تعبت جدا . وبـْسـَلامتها . بـِتكمل فرحـِتى بيها وسـْط اخواتها . تِبان بسْمِتها . الكل بيفرح ليها لمَّة العيلة . من حواليها . يارب تخلى الحيلة والبوسة دى منهم ..تعبير عن فرحهم ووجودهم  كلهم .. شرفنا كلنا ألف ما شا الله . عليكِ يارب . أشوفك جنبى عروسة وافرح بيكِ . لما ألاقى . بطرحة  فى وسط  الكوشة نفس الفرحة . فى عيون مامتك . لما تطل عليكِ وأنا وغلاوتك . وحياة حبك  . شايل نفس البوسة والبوسة دى منها .. للى . فِرِحْ لها لكل أصحاب أبوها .. وحبايب أمهاااااااا --------------------------------------  الحمد لله أحــــــــــــمد ثابــــــــــت

ياقلبى سيبه .. يعرف حبيبه وكــــل واحد هــــو ونصيبه لو ليـــا فيـــه .. هايبان عليه وهواه وشوقه لازم يـجــيبه بكـرة الزمن يهديه يعرف طريق أراضيه ويقدر اللى شاريه م الـلـــــى يبيعــه كان نفسى ادله .. واصرخ واقوله عن حبى كله ليه قد ايه بس ف مكانى .. فى هواه بعانى كاتم فى روحى ولا باشتكيه والصبر ع المكتوب خلانى أبات مغلوب يمكن يحس قلوب منه بيضيعوا --------------------------- أحـــــــــمد ثابـــــــــت

عيد ميلاد سعيد ( ياكوكي )     عـــيد مـــيلاد ســعيد الليلادي عيد ميلادك     والله أحلا عيد    باركوا لقمرنا وغنولها ..  زغرتوا يابنات  بختنا م السما نازلة تنور .. وسط القمرات  الـلـيـلـة هانـسـهـر صباحـى       والـكـل هيفضـل هنا صاحى ياقمر ومنور ليالينا       ربي يخليكِ دايماً لينا وكل سنة نزود شمعة .. عقبال لما تخلصي جامعة  ونعيش ونشوفك ف الكوشة .. جنب عريسك أحلى عروسة  --------------------------------- من كلماتى أحـــــــــمد ثابـــــــــت

أوقات .. أوقات بنتقابل وبينا حاجات بتمْلى عيونا بابتسامات ومن أول لقا بنحس كأن مابينا عمر وفات أوقات .. أوقات   بتبقى الدنيا عتمة وليل وعدى نهارنا قسوة وويل ننام نحلم بحلم جميل يصبحنا الحياة بالخير أوقات .. أوقات     يكون لينا ظروف صعبة تنسينا الآلام ضحكة نكمل بيها أيامنا ونفتح بيها كم سكة   أوقات .. أوقات تروح منا حاجات حلوة تتوه الرحمة والنخْوة ينسِّينا الزمن فى ساعات يعوضنا الصحاب إخوة أوقات .. أوقات --------------- أحــــمد ثابــــت

بازعل منك جداً .. لما تغيب من غير  تستأذن من قلبي .. اللي شايلك خير  إسأل روحك عني .. شوف هاتقولك إيه  كلمها وطمني .. لسة سائلها عليك  بتقيس الغلاوة .. بشوية شقاوة  تغيب و تختفي     وأصبَّر في قلبي .. بالصورة اللي جنبي     وليها أشتكي    بعد الغيبة فجأة .. تظهرلي مفاجأة  ولا ترمي السلام  بالأيام مستني .. بشوقي اللي مدوبني  طب واللهِ حرام    ----------------------------- أحمد ثابت رضوان

احساس فظيع ... شايفك تضيع  ولا ليك وجود .. ولا فيك أمل رغم الوعود ... انك تعود لكن الحقيقة .. ومحتمل تفضل كده .. وانا غير كده الله معاك .. لو كان ده حظك م الزمن رغم الأمانى كلها  .. وحلفنا يوم نوصلها  رغم  الحاجات والمحتاجات و الصحبة بينا وطعمها  كله يهون .. بدام باهون وكتير ساعات باضطرها اسكت واكون .. زى السكون لما تكون بتحبنى وازاى اكون .. وهواك جنون اسكت شوية فضحتنى وسط الطريق .. انسان رقيق فجأة لقيته غير كده لو كان صديق . وهواه برىء هافضل معاه كلى رضا ياريت تفوق .. علشان تروق محتاج قرارك الجرىء ترجع لفوق .. طيب وذوق مخلص وطول عمرك  صديق -------------------------- أحــــــــمد ثابــــــــت

لا  مش بالدموع ..  تمشي الحياة  لا   مافيش رجوع ..  لجروح وآه   دا اللي جرى ..  ولا يتحكىَ  طب ليه بقى ..  كتر البكا  لو ع اللى راح ..  مر وجراح  من كتره حالي اشتكىَ  مش قولتلك ..  وشرحتلك   كل اللى فات انساه بقى  مش سِكتك ..  ولا دنيتك  ولا ده اللى كنت أنا باتمناه  ترجعلي لا لالالااالاه ولااه    انا مش حجر ..  لكن بشر  حاسس تمللى بخلق الله  زعلان صحيح ..  م اللى حصل  من غير تعالي ..  لا سمح الله     ----------  أحمد ثابت رضوان

سارح .. ياحول الله تايه .. فى خلق الله ليه الحقيقة .. دايماً خنيقة حتى الضماير .. ضالة ورديئة والكل تايه .. ولا حد فايق بين الشقايق .. ضايعة الحقيقة سارح .. ياحول الله تايه .. فى خلق الله الكل سارح .. من غير ملامح ولا فيش مودة .. ولا فيش فضيلة يرحم زمانا .. زمن البساطة كانوا فى السعادة .. الكل عيلة سارح .. ياحول الله تايه .. فى خلق الله نفس الجدود .. نفس الأصالة واللا الزمان ده .. مليان ندالة أصل استحالة .. خاين الأمانة يكونله ذمة .. وله ديانة سارح .. ياحول الله تايه .. فى خلق الله ---------------------- أحمد ثابت

1- سلام الله عليكم  2- وعليكم السلام 1- أنا آسف جيت عليكم وقاطعت الكلام أجييكم وقت تانى ياللا أسيبكم سلام 2- لاء ياعم . ليه بس هاتبعد ماتشد بقى كرسى وأقعد كلامنا كان كله حكاوى والدنيا ياما فيها بلاوى 1- خير ؟  ايه اللى فيكوا كفاكوا الشر ؟ فيه حد فيكوا انصاب واضّر ؟ 2- أبداً ياصاحبى بعد الشر 2- دقدق تعالى شوف البيه واسأل جنابه يشرب ايه؟ 3- أؤمر ياحضرةْ أجيبلك ايه؟ 1- قهوة ومظبوط سكرها ياريت بسرعة تحضرها 2- اهو جه اللى يفهم فى الطولة مش ناس لاليهم ولا حول ورينا لعبك يابن الإيه 1- صبرك عليا آخد نفسى أقعد وأريح من نفسى 2- نزله شيشة ياخد نفسين ان شا الله يقعد فيها ساعتين 1- بصوا الخبر عنوانه ظريف مسكوا الجمل وسابولنا شريف ههههههههههههههههههه 2- ياعم خلينا فى حالنا يجعل كلامنا هزار وخفيف خلينا بس فى أشغالنا وازاى نلاقى فى يومنا رغيف  2- حاسب ياسيدى ماتقرصشى ع الزهر كده يا ماتلعبشى 1- انت كده لما بتلعب تزعل من اللى عليك يكسب ياريت معايا ماتلعبشى زهقتنى وهااقوم وامشى 2- ماتصلوا بينا على نبينا مش لعب هيزعل فينا 1- جايين نفك على نفوسنا مش ناقصة كتمة على ن

بحبه بس مش طايله . وقلبى فى الهوا يحايله ولما عيونه جت فيا . بحنية نسيت كل اللى أنا شايله وراح من بالى كل كلام . لوحدى كنت أنا قايله  وآه م الحب وعمايله . بحبه بس مش طايله تفوت الثانية من بعده  . سنة فى بعده ولا باقدر أنام  الليل وقلت أحلم عشان خاطره  . وليه بردوا مافيش فى الحلم صبر جميل لحد الصبح مايجينى . ونور عينى   أقوم وأصبح على صورته واقول ياريت بقى يجينى . يشوف عينى وهو فى بالى وفى سيرته وازور أول مكان شفته . لما عرفته   وكان قدامى وبراحته يصبرنى عليه شوية  .وأنا عليا  صبرت كتير وخد راحته وآه م الحب وعمايله . بحبه بس مش طايله ------------------------------------ أحــــــــمد ثابـــــــت

قالوا الملاعين .. بارليف ده حصين  فاكرينا طيبين .. هنصدق كلامهم  قاموا العفاريت  .. سابوا الديناميت  وبرشتين  .. كشفوا ستارهم  والقوة كانت جبارة  ..  ولا حد قادر يقهرهم  زعيمة كانت وعصابة .. ووقعوا فى شر عملهم   ودى آخرة من يتحدانا .. ناسين ربنا كان ويانا حافظ مصرنا حفظ كلامه .. ورسوله شاهد بأمانة قال المصريين .. فى رباط ليوم الدين خير جنود الأرض  .. بين العالمين والدنيا عادت وف ثانية .. وكل شىء كان فى مكانه وعرفوا مين أم الدنيا .. وكل واحد ومقامه _________________________  تحية لكل جندى جعلنا نفتخر بهذ اليوم العظيم العاشر من رمضان السادس من أكتوبر سنة ثلاثة وسبعين  ------------------ أحـــــمد ثابـــــت

أنا عارف انك عارفة ..  وخايفة تقولى مشاعرك لسة  اكمنى أنا معجب يعنى ..  بتضيعنى عنيكِ من بصة   مش فارقة معاكِ كتير ..  وأنا غرقان فى التفكير  واكمنى أنا قلبى كبير ..  هاديلك آخر فرصة    هاصبر واستنى شوية ..  اكمنِك غالية عليا  خلينى معاكِ للآخر ..   الآخر صعب عليا  بيعدى الوقت مااشوفِك ..  ولا عارف حتى ظروفِك  من فضلِك بطلى خوفِك ..  خليكِ بقلبى أنا حاسة  واديلِك آخر فرصة  ============ أحمد ثابت رضوان

علـِّى صُوتك فى النشيد .. وادِّى تعظيم من حديد حِب وطنك واملا قلبك .. كل يوم عن يوم يزيد كل يوم واقفين تمام .. مانتو عارفين النظام واللا عايزين حد بره .. ييجى تجيبولنا الكلام هُس خالص ماسمعش صوت .. خلوا يومكم أوام يفوت واما اخش تقوم قيام  .. وانتباه وقت السلام مش كفاية كتير عددكم .. زحمة جداً فى الفصول  بس كان مالى ومالكم .. ده التعب أصبح مهول علـِّى صُوتك فى النشيد .. وادِّى تعظيم من حديد حِب وطنك واملا قلبك .. كل يوم عن يوم يزيد مش كفاية الحصة خالص .. وقت ضيق فصل هايص ياللى غاويين المدارس .. ياللا بينا مجموعات كله يدخل ياللا إما .. درس خاص مشروح بذمة جوة بيتك لم لمَّة .. والمناهج  بالساعات ياللى غاويين السكات .. كل حتة فيها انفلات كل يوم نفس الحاجات .. والنهارده ايه الجديد   علـِّى صُوتك فى النشيد .. وادِّى تعظيم من حديد  حِب وطنك واملا قلبك .. كل يوم عن يوم يزيد النهاردة حصصنا نشاط .. كله يلعب كله انبساط أصل استاذ الحساب .. النهاردة ياولاد غياب  واللغة العربية أجازة .. والعلوم غايبة الأستاذة   يوم رياضى حلو جداً.. ياللا بينا أحسن شباب والملاعب حلوة بيكم .. مدرسة ولا يوم

من غير مااحس بنفسي فجأة لقيتني عندك  مـعذور ياقلبي ماليش في الدنيــا إلا قلبــك  دايماً في بالي  وكل حاجة فاكرها بيك  وكل مرة يحن قلبي أسأل عليك  عايش وحيد وانت بعيد والروح معاك  ولحد امتى واخد هوايا على هواك  لو كنت جيت كنت اشتريت خاطرك وعدى  كل اللى بينا يادوب في ثانية لأني منك جيتلك وقلبي بكل دقة ينده عليك جيتلك وخايف تقوله لاءة يهون عليك لو لسة حاسس باللي بيا وانا بين ايديك  اكيد ياقلبي لو شفت قلبي هاصعب عليك  ------------------------------ - أحمد ثابت رضوان

وفى الأول وفى الآخر .. هواكِ عندى مالوش آخر تحنى عليا ماتحنيش .. يكفِّينى فى هواكى باعيش بحبـِك حب مش عادى .. وقلبـِك لسة مش راضى ومستنيكى يا تنادى .. ياهافضل بين سكاتى باعيش وفى الأول وفى الآخر .. هواكِ عندى مالوش آخر و لسة الدنيا شغلاكِ .. فين الحب اللى جواكِ بحن ونفسى ألقاكِ .. عشان قلبى مايوجعنيش تحنى عليا ماتحنيش .. يكفِّينى فى هواكى باعيش نادينى فى الحياة مرة .. وفيكِ ليه باكون برة  وليه مسجونة مش حرة .. ورغم الحيرة مانستكيش وفى الأول وفى الآخر .. يكفِّينى فى هواكى باعيش ------------------------------ ---------- أحـــــمد ثابـــــت

ناس تراتيش تراتيش والفعل مافيش وولاة طرابيش طرابيش وبلادة وتطنيش عايشين ف الهم ياعم ولا فيش ريحة الدم ولا حاكم بالشعب حسيس طرابيش طرابيش طرابيش الظلم راكب فوق رقاب  البشر سياف والحق بايت منكسر كسرة صحابه وخاف واللى يلاقى العيش فى زمانا عمره ما خاب ستراً جميلاً من ربنا لو حتى عيشكم حاف دا احنا فى زمن تخاطيف تراتيش تراتيش  تراتيش أيامنا رجعت للورا بين فتونة وحرافيش فيه ناس سعيدة فى السما وناس مالاقية تعيش ولا فيش عدالة مِسلمّة الحق يوم لتعيس والمسؤلية مبلمة ولا حد فيها حسيس والدنيا لسة مضلمة وبختنا الطرابيش طرابيش طرابيش طرابيش ----------------------------- أحــــــمد ثابــــــــت

شبهـِك -------- شايلك فى نن العين    برمشى أغطيكى  واللى فى غلاوتك مين يارب يحميكى من غير مااقول انا مين حبك بيفضحنى واللى يشوف العين من عينى يعرفنى شبهك قوى ملامحى محفورة  جوة الطين  فرحان قوى بسمحى ده جدودى مصريين أعتز أ نا ب أ صلى لما باقول  مصرى وبحسن أخلاقى الغالى  يرخصلى أعشقها موت بلدى وبروحى افديها احميها ياربى يارب خليها --------------------- من كلماتــــى احمــــد ثابــت

مانكرش اتعودت عليكِ وكلامِك أنا خدت عليه ومعاكِ أنا باحلم بيكِ وبعادِك مااقدرش عليه احساسى فيا وأنا معاكِ احساس جميل زى هواكِ احساس بياخدنى ف ثانية بانسى العالم والدنيا أنا بابقى معاكِ حاجة تانية ولا يشغلنى إلا رضاكِ همسـِك كلامـِك عطر يفوح حتى ف سكاتـِك  دوا للروح حُبـِك غيرلى حياتى نسانى الماضى والآتى لو نفضل ف الدنيادى تحلا الأوقات وياكِ -------------- تحياتى أحــــــد ثابــــــت

وحياة ربنا ياواد انت ...... دمك على قلبى خفيف  بتخش القلب بشدة ....... من غير شفرة وتعريف  دمك شربات .. يا .. يا .. ياه  فى كلام وسكات .. يا .. يا .. ياه  وبحن ساعات .. يا .. يا .. ياه  جنبك أنا قلبى ضعيف  ضحكتك الحلوة بتفتح ............... كل السكك المقفولة  بالراحة عليا أنا باضعف .. فى الحب يادوب سنة أولى   معمول من إيه .. يا .. يا .. ياه  قول يابن الإيه .. يا .. يا .. ياه   قمر إنما إيه .. يا .. يا .. ياه  سبحان من رسم الصورة  بتخطى الخطوة وقلبى ... بيدق عدد خطواتك  اكمنك واثق يعنى .... إن أنا مجنون بحالاتك   بعيون غزلان .. يا .. يا .. ياه   ورموش شطئان .. يا .. يا .. ياه  وخدود رمان .. يا .. يا .. ياه   وشفايف لون شرباتك وحياة ربنا ياواد انت ...... دمك على قلبى خفيف ------------------------- أحمد ثابت رضوان

على قد حبى ليك  .. على قد ماكرهتك قلبى انخدع ليه فيك .. ياريتنى ماعرفتك أنا كنت باحلم  .. خليتنى أندم .. كان عادى جداً من اللى شفته منك ياريتنى أنسى .. بس انت لسة .. ليك عندي ذكرى بتغيب وبتحكي عنك رغم الحنين رغم العواطف .. بانت حقيقتك والناس مواقف فاتت سنين ف هواك وفاكرة .. اني ف حياتك مش كنت فارقة  فى عز مااتألمت .. ساكت ولا اتكلمت  واديني انا اتعلمت .. بعد فوات الأوان  مين اللى يتحمل .. عشان كدا يكمل   ياريتنى م الأول .. ماقبلت كل اللي كان   على قد حبى ليك  .. على قد ماكرهتك ------------------- أحمد ثابت رضوان

بقى كده يرضيك بتقرر تبعد كده وحديك معقول هاتروح  من غير ماتبوح طب أقول  للناس كده  إيه بعديك بقى كده يرضيك لا عملت حساب إننا احباب ومشيت من غير ماتقول أسباب وفايتنى فى حيرة ونار وعذاب ولا حتى القلب اللى انت ناسيه بقى كده يرضيك قلبى الصغير ..  لما يكبر ..  هاقوله ايه قلبك حبيبك .. هان يسيبك .. أوام عليه عاش عمره  معاك من غير ماتحس فاكره انت هواه طول عمرك بس ولا فيش بعديك بقى كده يرضيك  -------------- موثــقة  أحمــــــد ثابـــــت

كفاية  هاشترى روحى  كفاية صبرى وجروحى كفاية بجد ياساتر تعبت وفاض بى ع الآخر هاقولك كلمة م الآخر تسيبنى براحتى وكفاية تعبت كتير وأنا جنبـِك أحايل فى الهوا قلبـِك وقلبـك ناسى بالمَرة فايتنى لوحدتى المُرة كفاية الصبر له آخر كفاية بجد ياساتر سنين باسمع وباتساهل سامحت كتيروانا استاهل عشان طيبتى وجع قلبى  واعيش ذنب فى هواك حبى كفاية بجد ياساتر خلاص الصبر له آخر   ------------------ موثقة أحـــمد ثابـــت

كفاية  هاشترى روحى  كفاية صبرى وجروحى كفاية جد مش قادر تعبت وفاض بى ع الآخر هاقولِك كلمة م الآخر سيبينى براحتى وكفاية تعبت كتير وأنا جنبـِك أحايل فى الهوا قلبـِك وقلبـِك ناسى بالمَرة فايتنى لوحدتى المُرة كفاية الصبر له آخر كفاية جد مش قادر ------------------ تحياتى أحـــمد ثابـــت

سكون  والدنيا ضلمة مالية الكون سكون  والوقت ليه مش راضى يهون سكون  وكأنى فيها أنا لوحدى  ولا حد فيها ياخد ودى راح عقلى منى بقيت مجنون  وبقيت مابين الناس فى ذهول سكون  الضلمة ليه مش سيبانا وف حالنا ليه بس حزانا ننده ياناس مين يسمعنا وبقينا نحلم بس بنور جنون  غاب عنى عقلى ومش راجع ومشيت وراه آخر الشارع مشيت انادى عليه يانى لقيت عقول الناس فى طابور جنون ,,,,,,,, (%) ((    )) !  ! ^^^^ أحمد ثابت

خمسة × عشرة  أجمل فكرة لاجمل خمسة فى برنامج خمسة × عشرة الساعة عشرة بس عشانـَـك وعشانِك   وكل يوم نفس الميعاد هيكون معاكو استاذ فرحات يتحفنا بقى ويسمعنا حاجات جميلة ولها معنى و راديو ثابت يجمعنا ونقضى فيه أحلى  الأوقات -------------------------- ( 5 × 10 ) برنامج جديد تقديم استاذ / فرحات زكى ------------------------ تحياتى أحمد ثابت

العيد السنادى ... غير السنين اللى فاتت أول عيد يجمعنا ... بالخير على راديو ثابت ودى أجمل لمة فى عيد ... يارب يزيد ويزيد  نفرح كلنا ونشارك  ... وفى أول عيد بنبارك  والعيد العيد العيد ... أحلى على راديو ثابت --------------------- كل عام وأنتم بخير أحــــمد ثابـــــت

مِستسلمة .. والكل فيكِ بيجرحك  ومْسَلـِّمَة .. للي مايعرف مطرحك حظك كده .. مالكيش سند ياخد بإيدك  بختك كده .. غاب الولد ومات وليدك  والضلمة لسة مغيمة  مستسلمة .. وكل يوم نعمل حداد  كام ابن ليكِ شهيد ومات  وانتِ اللي غاويالي السكات  وواقفة لسة فى مطرحك  و مْسَهِمَة .. مستسلمة ..  ليه بس ساكتة ع الغلط  لحد ماعقدك فرط   والكل فيكِ بات لوحده   الكل فيكِ كان غلط   ------------------- أحمد ثابت رضوان

للصبح صاحى ..... حامل سلاحى   لاجلك يابلدى .....عمرى وكفاحى الفـجـر يدن ............... الله أعـلم  هاعيش لبكره ........ وألحق صباحى حارس حدودك ..... والله حارس بس الخيانة ....... ماتنجى فارس خلصت دورى . فارش فطورى الله أكبر ............ كان بيا عالم  اختارنى جنبه .... كان كلى حُـبه نـُلت الشهادة .... وانا لسة صايم وف ايدى تمرة ...... ماكلتهاش فرحة صيامى ...... مالحقتهاش ماعرفتش احزن كان عادى جداً أفرح بجنة ...... مين فيها عاش زفة ملايكة ......... مالية السما وضحكة حلوة ......... متبسمة كافؤنى عاللى .......حبيته فيكى لقيت يا أمى ........ الجنة فيكى لقيت يا أمى ........ الجنة فيكى لقيت يا أمى ........ الجنة فيكى ----------------------------- أحـــــمد ثابـــــت

ماشية الحياة بيا ومن غيري ..  والعمر عدى في غمضةْ عين .  كـأنـه طـيـف بيمر قصادي ..  باشوفه وانا محبط وحزين .  والدنيا ماشية ولا تقفشي ..  على حد فينا في يوم يمشي ..  وكل واحد له نهاية ..  ونهايتي عادي ماتفرقشي . وقت الفراق انا شوفته بعيني ..  الكل كان مصدوم وحزين .. مابين دعا وبكا ومصيري .. الكل سابني لوحدي دفين .  فـُـت الحياة وفاتوني وحيد ..  أنـده ما حد سامعـني بكيت ..  الدنيا تاهت في العتمة ..  لا بان صحاب ولا بان لمـَّة .  --------------- الـبـقــــــــــاء لله --------------- أحمد ثابت رضوان

أهلاً مرحب بيكم لمــَّة دايماً كده فى الخير متلمـًّة  شكلكوا يـِفـْرِح وأنا وسطيكوا  تسلموا ليا الله يخليكوا  أسعد واحد فيكم والله يارب عادة ماتنتهيش  والود بينا يفضل يعيش  ولا حد فينا عنا يغيب  ويوم لقانا مايتنسيش أنا جى بشوق قد السنين  جى للمكان مليان حنين  وزيد ياشوقى حبتين  عشان خاطر أهل الفكرة   -------------------  تحياتى للجميع   ويارب يكون  يوم بديع  وكل عام وانتم بخير  أحــمد ثابـــت

كان يوم أسود وحزين على كل المصرين الورد اللى زرعناه مات فينا وقع فى الطين ولحد دلوقتى الزهور منسية ليه مش شايفة نور الحق ليهم بات بخور ولسة كاتمين العطور راح مننا انسان برىء راح بالعَـلم يشجع فريق راح أب لينا راح صديق راح ابن فى سن الزهور والعنف علينا جديد لو فينا غريب وبعيد وبريئة يا بورسعيد من كل دم شهيد والدنيا اهى ماشية تمر وانا فيها حاسس بالمر ولا حق رجع لشهيد وتعبنا كتير م الصبر العدل مافيش ع الارض طول ماحنا بنقتل بعض ولا حد بيسمع حد ومابينا اهو ضاع الحق ____________ لا تنسوا شهداء الاستاد أحـــمــــــد ثــــــابــــت

باعتذر لو يوم جرحتك وبمشاعرى جيت صارحتك كنت قاسى  كتير حقيقى بس  من خوفى عليكى قلت اقولك ع اللى بيا قلت أسيبك تاخدى راحتك باعتذر لو يوم جرحتك الصراحة أوقات بتجرح  مش مهم عندى الطريقة بس بالنسبالى أريح لما بتبان الحقيقة مش مهم أتعب شوية  المهم إنى استريح باعتذر لو يوم جرحتك تزعلى منى يومين لما أقولك ع الحقيقة ولا أسيبك بالسنين  متعشمة وعايشة بريئة وانتِ بالنسبالى غالية انتِ أكتر من حبيبة باعتذر لو يوم جرحتك ازعلى ولا تبعديش  قلبى مش قد الفراق واشترينى ماتبعيش  ياللا نرجع أصدقاء عارف انه كتير عليكى  بس أهون م الفراق   واعتذر لو يوم جرحتك ---------------------- تحياتى أحمد ثابت

لسة الدنيا بخير حـِب وعيشها كتير علـِّى الضحكة خلى الفرحة تملا قلوبنا معاك حب   لغيرك خلى ضميرك يتحكم  جواك حـِب الناس فى الله حـُب جميل محلاه يخلق بسمة دايماً راسمة خير على كل شفاه واللى يشوفك يفتح قلبه ويشيلك جواه حـِب الناس بضمير تلقى الدنيا بخير واللى يقابلك يسبق قبلك ويصرح بهواه يعلن حبه كده من قلبه ويحبك فى الله لسة الدنيا بخير --------------- موثــقة تحياتى أحمد ثابت

حرام عليكِ وكفايا كده  طال الغياب قلبى اشتكى   حرام عليكِ كفايا بقى باشتاق عينيكِ ولا فيش لقا ليه روحتى وقولتى عدُّولى ناوية الغياب كنتى تقولى أعمل حسابى وارضى بعذابى على قد وقتى أفرد طولى صعبان عليا دمعة  عينيا ولا بيها دارية ولا سألتى ليه مرة واحدة تخلينى أبات فى حيرة وتنسينى والسهد عيشتى وكفاية حيرتى   ها تغيبى مش كنتى تقولى بشويش عليا تعبت عينينا ولا قلتى جاية نفد  صبرى -------------- تحياتى أحمد ثابت