أول حب
وسط أوراقي القديمة
وردة دبلانة حزينة
جنب منها لاقيت صورتها
فكرتني بسنين نسيتها
..
رجعتلي شريط حياتي
عايشتني ف أحلى ماضي
ياه يا أول حب ليا
بعدك انت القلب فاضي
..
افتكرت زمان هزارنا
وقت فرحنا وانكسارنا
كانت الأحلام مهاودة
والأماني كبيرها وردة
..
كنا نسبق بعض لما
يبقى فيه ميعاد مابينا
لسة فاكر كل لحظة
زي مايكون النهارده
..
وف ميعادنا اللي كان آخر ميعاد
اتفقنا نودع الحب اللي مات
وافترقنا من يوميها سابتلي ذكرى
تعليقات
إرسال تعليق