حكاية

هاحكلكو حكاية غابة ..

وقانون الغابة معروف

أرانب وسط ديابة ..

وكلاب وحمار وخروف

كبر الأسد المتوحش ..

ولا عادش يخوف حد

ولا فيش مانع لكلابه ..

ينبحوا سيطروا ع الأرض

خرج الأرنب عن صمته ..

واتكلم قال هانشيله

وحمار وخروف وديابة ..

دايماً وياه وف ديله

مين فينا كان يتصور ..

ييجي يومها نعيش ونشوف

أرنب يصرخ يتمرد ..

جواه يقتل فى الخوف

أتارى حمارنا مخطط ..

يحكم ع الغابة خروف

وقرود جنبه بتتنطط ..

وغراب في السما بيطوف

وقف الأرنب في تحدي ..

ونداهم قاموا جايين

مين فيكم يده ف يدي ..

على كل المنحرفين

معقولة الغابة بطولها ..

مش باين فيها أسود

عايزين الشمس تطولها ..

عايزين الهيبة تعود

----------------

2013

راديو ثابت