راديو ثابت

زعلان !! ..  بجد مستغرب  غلطان ..  وم الحقيقة تهرب  دا كتير ..  باموت من التفكير  عشان مالكش كبير ..  ولافيش كدا أغرب  ..............  أوقات تكون مني قريّب ..  تبان حنين أوي طيب  أفرح معاك وانسى الدنيا ..  أفوق على جرح يشيب  ..............  أصبر واقول مش من غلطة ..  واعدي واديلك فرصة  ترجع وتجرح تاني فيا ..  تيبعدنى كل مااجى واقرب  --------------------  أحمد ثابت رضوان

النهاردة طوارىء ..  عايز الكل يشارك  النهاردة العيد .. ياللا الكل يزيط  النهاردة ليليتها ..  ياسلام على حلاوتها  شقاوتها و ضحكتها ..  تملا الكون زغاريط .  والنهاردة العيد .  أول شمعة وليلة ..  لمت كل العيلة  وادى تورتة وهولِّيلة ..  فرحة وجو سعيد   والنهاردة العيد .  علِّى السقفة ياكوكى ..  ويا أختك وأخوكِ  بوسة لامك وأبوكى ..  محروسة من العين   والنهاردة العيد .  ------------------  عيد ميلاد سعيد ياكوكى  بابا /  أحمد ثابت رضوان

كان ياما كان . كان فيه زمان ست البنات سكر نبات زى القمر  وسط الطريق . قابلت صديق تِعبان على هيئة بشر ولإنها وحدها باقية . وثقت فى صاحبها الداهية بلوى واتحطت فيها . وكان حكم القدر  معذورة اتخدعت فيه . فاكراه انسان أتاريه كداب خداع . تِعبان عامل بشر ------------------------------- أحـــمد ثابـــت

بارد ..  برود التلج ..  عمري ماشوفت بروده على حد . كل كلامه خالي الطعم ..  زي  المر مايملى الحلق .  كلمة بكلمة حافظاه صم ..  ياما صبرت ونفذ الصبر .  نفس ردوده آه يابروده ..  زي التلج .  ---------------------- أحمد ثابت رضوان

وماقولتهاش ..  بس ف عنيا ماحوشتهاش  مع إن حاسس انه فاهم ..  لكن عنيه بتقول بلاش . ليه تعيش ياقلبي وهم ليه ..  ماتفوق بقى م اللي انت فيه  لو كان في قلبه حاجة ليك ..    كان الغرام يبان عليه  --------------------------- أحمد ثابت رضوان

  عمال بتوحشني  وأنا سايبك يادوب ثانية مااقدرش على بعدك دا قربك عندي بالدنيا وماتسيبنيش تاني لوحدي أضيّع لحظة من وقتي أعيش فيها ماشوفش عنيك وماتلومنيش    على عشقي أقولك جربه وقولّي ولما تدوق تحس بإيه إحساس صعب وجميل ياناس العقل مني خلاص سلمت أمري أنا ليه كان فين  كل اللي فات كان فين  ضيعت عمري سنين  من قبل دا الاحساس  ---------------------- أحمد ثابت رضوان