راديو ثابت

بكرة المدرسة .. ودا أول يوم .. مستنياه .. وماجايليش نوم لابسة المريلة .. لابسة البابيون .. وف شنطتى قلمى وكراستى باحلم وأنا صاحية بمدرستى بأحلم وأنا صاحية بأول يوم .. والشنطة واخداها ف حضني  سهرانة معاها ومافيش نوم .. عايزة اشبع منها وبراحتي  كل شوية أفضي الشنطة .. ألعب وأرتب أدواتي  على طرابيزتي الحلوة السمرا .. وأرجعها في شنطتي تاني  وأكلم أدواتي في سري .. وتكلمني كمان وتقولي أهلاً بيكِ وفرصة سعيدة .. نتمنالك دنيا جديدة وف سنة أولى تبقي الأولى .. وسط زمايلك حاجة أكيدة متشكرة جداً ياحاجاتي .. أتمنالكم تملوا حياتي ولايقصف سـِنك يوم قلمي .. واكتب علمي وارسم علمي  شكراً ( منَّة ) شكراً جداً .. بنت جميلة مؤدبة جداً كان نفسنا نفضل وياكِ .. بكرة تجيبي زينا واحسن  مش ممكن أبداً أغيركم .. دا انتوا حياتي و ماليش غيركم بُص ياقلمي  لـِيك مش هابرى .. ويَاكراستى هاصغر خطي  باتمنالكوا إقامة سعيدة .. تبقوا معايا لفترة بعيدة  شكراً ( منَّة ) شكراً جداً .. بنت جميلة مؤدبة جداً كان نفسنا نفضل وياكِ .. بس الوقت اتأخر جداً حاضر طب تصبحوا على خير نتمنالك حلم جميل أهلاً بي

بطلت أخاف م الـــوحدة بطلت أخاف على واحدة مــش فارقة كتير معاهـا دايمـاً على طول معاندة علمتِ قــلــبـــى القسوة ولا فـارقة عندِك عشرة فكرانى طـــيـب لســـة وهـاعـامـلك بالمهـاودة مابـقتش باعـمل م اليوم حـساب العــشرة بـيـنـــا مـــر وعــــذاب يـعنى فى هواكِ مـحـــتـار معاكِ بـاخــتـار بعادك بـطـلـت أخـاف مـن الـنــهــــــاردة ياريت كل اللى فات تـنـسـيه وانسَى ان أنا حــبيت خلاص هاروح لبعيد م الـوحدة أصلاً مابـقـتـش أخاف من يومها واحنا عـايـشين خلاف يعنى فى هواكِ دايــمـــاً معاكِ زى ف بعـادك إيـه الاختلاف بطلت أحبِك من النهاردة ----------------------- تحياتى أحــــمد ثابــــت

جىْ تسأل عن حالى؟ مالى !! أنا من غيرك أحسن هو أنا لسة فى بالك ؟ مالك ؟ كتر خيرك شكراً شكلك كده فيك حاجة وسؤالك مش عادة لو بتفكر ترجع وفر وقتك وارجع عندى بقيت ولا حاجة مالك ؟ هو أنا لسة فى بالك ؟ مالى !! جى تسأل عن حالى كتر خيرك شكراً أنا من غيرك أحسن واحدة بواحدة والبادى أظلم جى بنفسك مرحب أهلاً بايع روحك للدرجادى طب وحياتى لأخليك تندم --------------- ياللا بقى ههههههههههه أحمد ثابت

أنا واحد من تلاتة عايشين بقلب واحد حبيتك بالتلاتة وياريت أنا وانتِ واحد أولنا مشغول بيكِ وازاى بس تحسيه نفسه فى مرة يلاقيكى تقرى شوقه فى عينيه عاش ياما فى عز الليل وحدانى وليله طويل  ازاى يشغل فى عنيكِ ويخلى القلب يميل وتانينا الله فى عونه عاشق ولهان ولونه مخطوف لما تناديله بشفايفك النونو عايش مع نفسه خيال بيذاكر اللى هايتقال ولما يشوف عينيك ِ يتغير كل الحال وتالتنا بتحبيه مشغولة ومجنونة بيه وأول ماتناديه يلاقيكِ خيال فى خيال معذور ماهو عاش وحدانى شايفك بس فى أحلامه يتمنى تكونى حقيقى والحلم يبان قدامه وأنا ليكِ كل التلاتة لكن القلب واحد حبيتك بالتلاتة وياريت أنا وانتِ واحد ---------------------- تحياتى أحمد ثابت

أنا راجل مفتري بياع  ولا باشترس وباقول لكل واحد اتعلم وابتدي  وشوفني باعمل إيه علشان ماتبقى بيه وف بيتك تبقى سيد حاكم وعنتري  باصحى من نومي وخري ويجيلي فطاري دوغري  أحبس على قهوة بلدي   قاعد سلطان زماني ماانا راجل شكل تاني مش سوسو واللا ناني مش عيل سيس يتقصع  ويعبر بالأغاني  ماعنديش مشكلة لا شغلة ولا مشغلة باملك تلاتين عمارة يادوب مكفياني والعيشة والله صعبة كان نفسي أسافر برة معذور ياناس مش فاضي مشغولة والله حياتي  عربية آخر صيحة ماركة ومنظر وبرحة سايب تلاتين عمارة وساكن جوة حارة والحارة بيحسدوني  انا عارف بينافقوني  باخرج من بيتي باشا يتلزقوا ويجاملوني   ما أنا راجل مفترى ---------------- أوى أوى أوى ههههههههههه أحمد ثابت رضوان

لو لسة بتحلمى ماتعمليش حسابى أرجوكى تفهمى ماتزوديش عذابى ده البعد مش محتاج تفكير والله كده أحسن بكتير تعيشى ليه أحلام وآمال  تفوقى ليه على وهم كبير  عارف إن كلامى يزعل ممكن يتعب يمكن يجرح بس يابخت اللى يبكيكى ولا يتسلى عليكِ ويسرح   كان سهل جداً أقول ماشى واكدب عليكِ مايجراشى وتعيشى طول عمرك ماشية عكس الحقيقة مافهماشى لو تحسبيها صحيح تلاقينى ليكِ صريح ومسيرك تعرفى مين اللى قلبه جريح -------------------- تحياتى أحمد ثابت

لا لا لا لا ولااااااا..لا..لالى لا لا لا لا ولااااااا..لا..لالى مصر أم الدنيا ليه مش أمى وكأنى ولدها بتبنــِّى دايماً باحميها واموت فيها لكن من خيرها بتحرمنى لا لا لا لا ولااااااا..لا..لالى لا لا لا لا ولااااااا..لا..لالى مع إنها فارقة عن اخواتها بجمالها وأصلها وشبابها محسودة وسودة فىْ جوازاتها ودى آخرة نظرة ْ حسادها لا لا لا لا ولااااااا..لا..لالى لا لا لا لا ولااااااا..لا..لالى آه ياخوفى يافـِل تكون عـمــِّى بعد خليتك جوز أمــِّى وتـْهـِنــِّى فى بيتى وتحرمنى وتخلـَّص ع اللى فاضل منـِّى لا لا لا لا ولااااااا..لا..لالى لا لا لا لا ولااااااا..لا..لالى لو سيبتى الفل مافيش تانى غير هو عريسك إخوانى عن كل الدنيا يخبيكى ويغير شكلك من تانى لا لا لا لا ولااااااا..لا..لالى لا لا لا لا ولااااااا..لا..لالى أدى آخرة دلعك وجمالك ياللى انتِ عذابى بيحلالك دايماً منحوسة فى جوزاتك وجوازك منك يحرمنى لا لا لا لا ولااااااا..لا..لالى لا لا لا لا ولااااااا..لا..لالى ---------------------- لله الأمر من قبل ومن بعد أحــــــمد ثابــــــــت

حاسس ياقلبى بخوف عليكى وع اللى فيكى سيرى فى طريق النور وخطى ماسكة إيدى بيكى هاعدى الخوف وهاوصل للنهاية وألقى الطريق مكشوف مادام قلبك معايا حاسبى فى خطاكى ياقلبى إسم الله عليكى قالوا زمان الخوف طريقك للنجاح بس الطريق مربوط بحى على الفلاح تفتح بيبان الخير عليكى وع اللى فيكى شرط القلوب تتولف واحدة تِحب فيكى حاسبى ياقلبى إسم الله عليكى آن الآوان لتبان ولادك يد واحدة على حب أم الدنيا إن شاالله ساعة واحدة تفرق معاكى كتير الكل يخاف عليكى تبقى فى طريق الخير والخير يبان عليكى حاسبى فى خطاكى ياقلبى إسم الله عليكى ------------------ يارب وفقنا أحـــمد ثابـــت

مابتزهقش كل شوية بتشكى كل شوية بتبكى على إيه أنا مااعرفش مابتزهقش كل شوية دموع وكأنك مخدوع بقى كل اللى يشوفك يسمع مايقدَّرش مابتزهقش بس خلاص صبرى نفد منى أوعى تفكر يوم توهمنى إنك بالشكل ده تجبرنى على شىء أنا مااصبرش  فاكر بالشكل ده راح أجيلك وأجرى وراك وأتمنى أناديلك وأفرح بيك وأنا ليك أغنيلك ياريت ماتحلمش مابتزهقش لو الزمان كله إتغيَّر ورجعت من تانى صغيَّر أشكلك على إيدى ياريت ولا كان زمانى أنا متحيَّر مابتحلمش؟ ممكن تتغير ما اعرفشى وتبطل دمعك ولا تشكى وترجع ضحكتك الحلوة لما هاشوفها أنا ماقدرشى ماأسلمش --------------- ههههههههههه أنا زهقت أحـــمد ثابـــت

لـــو لـيــكى قـلــــب زيـِّنـــا كـان حـس بـقـلـوب الـبـشــر ماهـو ليـكى حـق مـش مـننا قـلـبـك ده حـتـة مـن الحـجـر  مرت سنين ساكت حزين صابر وجوايا الأنين واللـه الحـجــرأوقـات يـِلـيـن ليه بس قلبِك غير البشر   أنا إيه اللى خلانى أحِبِك   قـسـمـة و نصيب   حكم القدر من يوم ماحبيتك بــقـــيــتــى غـلـطـة ف حـياتى إتـخـدعــت فـيـكى كـان  حـب باين م البداية قصة إنكتب ليها النهاية قسمة ونصيب حكم القدر غلطة  حياتى م البدايه وإتخدعت فى  النهاية بطلت أحبك بقى قلبى زيك بقى حتة منك زى  الحجر يأبو قلب غير كل البشر ----------------------- تحياتى أحـــمد ثابـــت

رمضان   بنْغَـمَـض عِـيننـَّـا ونحـلـم بِيك  على يُوم ماتجينا ونصُـوم فِيك   مـن كـتر حـلاوة نـور لـياليك   والله مـا نـلـحـــق نـفـرح بِيك ضِيف طيِّب وخَفيف غِيرالأيــــام     نـُور كِدا زَى الطِيف بيعَدى قوَام فِيك نِزل القرآن هِبة مْ الرَّحمـــن فِيك رحْمة وغـُفـْرَان عِتـْق النِيران جـِيت عَمَّرْت البيت حـُب وخيْرَات سِيل ملـْيـَان بالخِير وجـَبل نفحات عيد ع الأمة سعيد جمـَّع ملاييـن صـُـوم وزكاة وصلاة دِى عِماد الدين   من  كتر حلاوة نور لياليـــــــك واللهِ مـا نـلـحــــــق نــفرح بيك --------------------------- اللهم بلغنا رمضان أحـــمـــد ثـــابـــت

مش قادر أتكلم تعبان من اللى أنا فيه مابقتش فاهم  حاجة ولا عارف أعمل إيه إنسان غريب قاسى وحبيب يوم مااعرفوش وساعات قريب حب وخلاص ماحسبتهاش قدام عنيه ضعفى أعمل إيه كل أما أقرب يهرب كل أما بابعد يغضب أرجع وأقول ياحبيبى يرجع ويستغرب تعبت كتير معاه يوم جرح ويوم دوا كان نفسى أتهنى بيه والعمر نكون سوا إنسان غريب قاسى وحبيب يوم مااعرفوش وساعات قريب حب وخلاص ماحسبتهاش قدام عنيه ضعفى أعمل إيه قدام دمعة عيونه أحزن وأتألم وأكتم إحساسى فيا ولا قادر أتكلم لو غلطة أسأل عليه ألقاه بيتغير وكأنى غلط فيه ويسيبنى متحير إنسان غريب قاسى وحبيب يوم مااعرفوش وساعات قريب حب وخلاص ماحسبتهاش قدام عنيه ضعفى أعمل إيه -------- تحياتى أحمد ثابت

وسيم مُعجب بنفسى  وشقاوتى جوة عينية  ثابت ع الأرض وامشى  الكل يموت عليا خارج من بيت فى حارة وبنات زى القمارى  قاطعينلى سِكتى واعمل مش واخد بالى   ماشى ومشغول بحالى  ليشوفوا مَحبتى عارف بيموتوا فيا  ولا فيش ولا واحدة هىَّ  العين راحت عليها مع ان فى كل حتة عارفِنى خمسة ستة بالدنيا واللى فيها من كتر ماشوف حلاوة  خايف أبطل شقاوة مع اِنى باحِب واحدة زايدة فى قلبى غلاوة أنا قلت أصارحْها بحُبى ردت . صدتلى قلبى موقف فظيع فظاعة  ودى آخرة الصياعة و كل مااحب واحدة  تبقى اْختى فى الرضاعة ---------------------- ههههههههههه أحمد ثابت

حاجة مش جديدة عليك تجرح وتتألم حاجة مش جديدة عليك منك بنتعلم أستاذ كبير فى هواك تاعبنى ليه وياك وكتير بدارى عليك ولا بارضى أتكلم مهما الزمان قسانى بارجع واسامح فيك خايف ليوم تلقانى بايعك ومش شاريك حيرتنى دوختنى ولحد امتى حرام عليك فاض بيا صبرى وانكوى قلبى وقلبك مش سوا قلبى وقلبك مش برىء عذبت قلبى معاك ضيعتنى فى هواك إكمنى باقى عليك تأمر وتتحكم مهما الزمان قسانى بارجع واسامح فيك خايف ليوم تلقانى بايعك ومش شاريك وياريتنى باتعلم _________ تحـيـاتـى أحـــمد ثابـــت

مَاتكلِمْنَاشْ ---------- وكأن لافيه حاجة نقولها ولقا وخلاص   مَاتكلِمْنَاشْ واهو طول الوقت بنتدارى فى كلام الناس مَاتكلِمْنَاشْ عن حاجة جوانا لبعضينا غير هىَّ ساعات مرِّت بينا ولا حَسِينَاهًاشْ مَاتكلِمْنَاشْ رغم الساعات مرِّت ثانية وكأِن حِلم ماهِيشْ دُنيا وأحلم معاك والحلم يطول ومافوقش منه ولو ثانية من غير الناس مَاتكلِمْنَاشْ كان نفسى اقوله حاجاتْ وحاجاتْ أول لُقا كان بينا سُكاتْ مَحْبُوس كلامَنا جُوَانا حتى القلوب مَسْكُونة آهاتْ ولا قلنَاشْ مَاتكلِمْنَاشْ باين كلامه فى عيونه من خوفى لشفايفه تخونه وتقول بحبك يصحوا الناس على صوت مشاعره ويلوموا وبخاف م الناس مَاتكلِمْنَاشْ رَغْم السُكاتْ مَالِى لُقانا زَارنا الْفرَح زَف هَوَانا قبْل اللُقا ودانا الشُوق بَعْد اللُقا زاد جُوانا ولا سَابْنَاش مَاتكلِمْنَاشْ ------------------------ تحياتى أحـــمد ثابـــت