أوقات

أوقات .. أوقات
بنتقابل وبينا حاجات
بتمْلى عيونا بابتسامات
ومن أول لقا بنحس
كأن مابينا عمر وفات

أوقات .. أوقات  
بتبقى الدنيا عتمة وليل
وعدى نهارنا قسوة وويل
ننام نحلم بحلم جميل
يصبحنا الحياة بالخير
أوقات .. أوقات  
  يكون لينا ظروف صعبة
تنسينا الآلام ضحكة
نكمل بيها أيامنا
ونفتح بيها كم سكة
 أوقات .. أوقات
تروح منا حاجات حلوة
تتوه الرحمة والنخْوة
ينسِّينا الزمن فى ساعات
يعوضنا الصحاب إخوة
أوقات .. أوقات
---------------
أحــــمد ثابــــت