ياحول الله
سارح .. ياحول الله
تايه .. فى خلق الله
ليه الحقيقة .. دايماً خنيقة
حتى الضماير .. ضالة ورديئة
والكل تايه .. ولا حد فايق
بين الشقايق .. ضايعة الحقيقة
سارح .. ياحول الله
تايه .. فى خلق الله
الكل سارح .. من غير ملامح
ولا فيش مودة .. ولا فيش فضيلة
يرحم زمانا .. زمن البساطة
كانوا فى السعادة .. الكل عيلة
سارح .. ياحول الله
تايه .. فى خلق الله
نفس الجدود .. نفس الأصالة
واللا الزمان ده .. مليان ندالة
أصل استحالة .. خاين الأمانة
يكونله ذمة .. وله ديانة
سارح .. ياحول الله
تايه .. فى خلق الله
----------------------
أحمد ثابت
تعليقات
إرسال تعليق