أوبريت القـهـوة

1- سلام الله عليكم 

2- وعليكم السلام

1- أنا آسف جيت عليكم وقاطعت الكلام
أجييكم وقت تانى ياللا أسيبكم سلام

2- لاء ياعم . ليه بس هاتبعد
ماتشد بقى كرسى وأقعد
كلامنا كان كله حكاوى
والدنيا ياما فيها بلاوى

1- خير ؟  ايه اللى فيكوا كفاكوا الشر ؟
فيه حد فيكوا انصاب واضّر ؟
2- أبداً ياصاحبى بعد الشر

2- دقدق تعالى شوف البيه
واسأل جنابه يشرب ايه؟

3- أؤمر ياحضرةْ أجيبلك ايه؟

1- قهوة ومظبوط سكرها
ياريت بسرعة تحضرها

2- اهو جه اللى يفهم فى الطولة
مش ناس لاليهم ولا حول
ورينا لعبك يابن الإيه

1- صبرك عليا آخد نفسى
أقعد وأريح من نفسى

2- نزله شيشة ياخد نفسين
ان شا الله يقعد فيها ساعتين

1- بصوا الخبر عنوانه ظريف
مسكوا الجمل وسابولنا شريف
ههههههههههههههههههه

2- ياعم خلينا فى حالنا
يجعل كلامنا هزار وخفيف

خلينا بس فى أشغالنا
وازاى نلاقى فى يومنا رغيف 

2- حاسب ياسيدى ماتقرصشى
ع الزهر كده يا ماتلعبشى

1- انت كده لما بتلعب
تزعل من اللى عليك يكسب

ياريت معايا ماتلعبشى
زهقتنى وهااقوم وامشى

2- ماتصلوا بينا على نبينا
مش لعب هيزعل فينا

1- جايين نفك على نفوسنا
مش ناقصة كتمة على نفسنا

2- ربك يعدل أحوالنا
ونلاقى شىء يرضى آمالنا

1- ازاى بقى والحال مايل
ولا حد م الكبارات سائل

عملنا ثورة وشيلنا نعوش
علشان يبان الخير فى نفوس
مش شيلنا زفت على الفاضى
نلاقى روحنا فى طين بندوس

2- يرحم شبابك يابلادى
حصرة قلوب وبلد بتلوص
1- بالإذن انا ماشى يابهوات 
2-  خدنى معاك ياللا يافؤاد

وانا برضوا وياكم ماشى  
القعدة بدونكوا ماتسواشى
سايبنى وحدى وماشيين 
دقدق ياللا حسابك فين ؟
3- خليه علينا ياسيدنا البيه
ده حسابكوا بس 20 جنيه
وجنيه بقشيش
2- مافيش .. سلام الله عليكم
3- وعليكم السلام
-----------------
ههههههههههههههههه
أحــــــــمد ثابــــــــت