صدفة

أنا شوفت كتير بس ماشوفتش ..

أنا زيها حد

لو قولت انا هاوصف في جمالها ..

محتاج ياما وقت

وعارفها وحافظ ملامحها ..

وماتعرفيش

ماانا أصلي باشوفها في أحلامي ..

ومعاها باعيش

#راديو_ثابت

أول ماقابلتها بالصدفة ..

بقى قلبي يدق

اتمنيت وقتها لو ينطق ..

تسمعه وترق

وفضلت اتلكك واتحجج ..

علشان اكلمها

ماهي دي اللي انا ياما اتمنيتها ..

وخيالي راسمها

#عاشق_أرضها_ونيلها

قولتلها ياريت لو نتعرف ..

أنا هابقى سعيد

ضحكتلي وفهمت ..

نظراتي فضحاني أكيد

بتسلم وانا واقف ساكت ..

في كلامها باتوه

شافايفها شايفها فراولاية ..

فوق أحلى جاتوه

#أحمد_ثابت_رضوان