الناس للناس

الناس للناس وقت الشدة ..

بتبين معدن ده من ده

والصاحب المجدع بيحسك ..

قبل ماتتكلم يقرا عنيك

مش كل قريب ليك بيحبك ..

ولا كل بعيد بيكون ضدك

لو فيهم مخلص لو واحد ..

أفضل من عشرة بيخدعوا فيك

في الزمن اللي مالوهش ملامح ..

والدنيا المليانة بلاوي

تتولد الشمس من العتمة ..

والناي بيقول أحلى غناوي

والستر سحابة تغطيني ..

والخير أمطاره تحَميني

والناس أسباب والناس للناس ..

والخير في الأنفع ويا الناس

----------------

أحمد ثابت رضوان