كبير في السن

ولأني كبير في السن .. عايش سني وده عادي

باكون حساس في كلامي .. عاقل ورزين مودي هادي

وماليش في حاجات . مثلاً ستات ..

ولا كيف ولا شلة تسليني

من شغلي لبيتي . آدي كل حياتي ..

ناشفة وماشية بشكل روتيني .

الصدفة الحلوة رمتني .. لعنين حلوين وحكاية

الأجمل ان شافتني .. وموافقة تكون ويايا

خليتني أحن . واصغر في السن ..

علشانها صبغت بروكتي .

عليها باغير . وباموت تفكير ..

اكمنها قد بنتي

من غير لا فرح ولا زفة .. ولا زحمة وزيطة وحفلة

سافرنا اسكندرية .. قولنا نتدلع حبة

شافوني معاها . قالوا اني باباها ..

خلوني زعلت في نفسي

قدام الكل .. همست وبحضن

انت حبيب قلبي وعمري

حسيت في عنيها بسحر .. ونزلت معاها البحر

بين ضحك ولعب وحب .. وريتني حلاوة الصبر

بعد الضحكات . قلبت بسكات ..

وكأنها واحدة تانية

لما لاقتني . اقرع وفلات ..

مشيت وسابتني ف ثانية

☺😂☺😂☺

راديو ثابت