زى الطيور

زى الطيور 
ماتهشها
من جوة بيتها وعشها
تصرخ وتعلن رفضها
وساعات تسلم أمرها
زى الطيور 
  فى خصالها
 زى الطيور  ألوان
  زى الطيور وأحوالها 
فى التوهة والعنوان
      زى الطيور    
 ناس فى السما
وناس كتير ماشيين ع الارض
وناس مابينهم انما
لاطايلة فيها سما ولا أرض
فينا الاليف فينا المخيف
فينا القوى وفينا الضعيف
 فينا اللى رفرف بجناحاته
 فينا اللى عاجز يوم يطير
زى الطيور 
  فى خصالها
 زى الطيور  ألوان
  زى الطيور وأحوالها 
 فى التوهة والعنوان

زى الطيور
وكل واحد جواه طير
 فينا اللى  يرضى كتيربقليله
 فينا اللى شايف رزقه قليل
فينا الصغير فينا الكبير
فينا التعالى وفينا الخير
فينا اللى فيه احساس بغيره
فينا اللى غيره منه يغير
زى الطيور 
  فى خصالها
 زى الطيور  ألوان
  زى الطيور وأحوالها 
فى التوهة والعنوان
زى الطاووس فينا الغرور
فينا قساوة الصقور
فينا السلام زى الحمام
فينا حلاوة اليمام 
  فينا الصديق فينا الخنيق
فينا السند طول الطريق
فينا اللى عارفك وقت حاجته
فينا اللى عارفك بس ليك
زى الطيور 
  فى خصالها
 زى الطيور  ألوان
  زى الطيور وأحوالها 
فى التوهة والعنوان
زى الطيور
    --------- 
     من كلماتى
   أحــــمد ثابـــــت
                                       

تعليقات

إرسال تعليق

المشاركات الشائعة من هذه المدونة

أنا شاطرة.... من أغانى الأطفال

صورة
أناشاطرة أنا شاطــــــــــــــــــــــــــــــره      شاطــــــــــره   و شطــــوره أنا قمـــــــــــــــــــــــــــــــــره      قمـــــــــــــره   و قـــــــموره أول ما أصحى وأقوم من نومى      بـسم اللــــه أنــــا ابدأ يومى اطوى سريرى واكـوى هدومى      مع إنى لسه صــــــــغيوره                            أنا شاطــــــــــــــــــــــــــــــره      شاطــــــــــره   و شطــــوره أنا قمـــــــــــــــــــــــــــــــــره      قمـــــــــــــره   و قـــــــموره فرضــــــي أصلى وأشكر ربى       وادعـــى يخلى أبويا وأمى ويا اخواتى هُـــــمَّ حيـــــــــاتى       و معــاهـــم دايماً مسرورة أنا شاطــــــــــــــــــــــــــــــره      شاطــــــــــره   و شطــــوره أنا قمـــــــــــــــــــــــــــــــــره      قمـــــــــــــره   و قـــــــموره أخرج بدرى أروح مدرستـــى       وافهم واســـــــمع لمُدرسْتى واعمل واجبى وابقى الأولـــى         وأجيب درجات مش معقولة أنا شاطــــــــــــــــــــــــــــــره      شاطــــــــــره   و شطــــوره أنا قمـــــــــــــــــــــــــــــــــره     
قراءة المزيد

إهداء خاص لأجمل ( يــويــو )

صورة
عيد ميلاد سعيد ( يايويو )     عيد ميلاد سعيد والفرح اليوم بطوله     والشموع هاتقيد   باركوا لقمرنا وغنولوا وإحنا على ميعاد      والليلة ميلاد  قمر القمرات        طبعاً يويو الـلـيـلـة هانـسـهـر صباحـى       والـكـل هيفضـل هنا صاحى ياشـمـس بنـورها تدفـيـنــــا       ياقـمـر ومـنـور لـيـالـيـنــــــا          أنــــــوار وزينات         تورتة وجاتوهات           هــيـصــوا يابنات         يـالــلا وقـــولــــوا   احـلــى الاعــيــاد         والـلـــهِ مــيـــــلاد    ســكــرشــربــات         أجـــمـــل يـــويـــو عيد ميلاد سعيد ( يايويو )     عيد ميلاد سعيد والفرح اليوم بطوله     والشموع هاتقيد   باركوا لقمرنا وغنولوا وإحنا على ميعاد      والليلة ميلاد  قمر القمرات        طبعاً يويو ---------------------------------------------------------- من كلماتى أحـــــــــمد ثابـــــــــت
قراءة المزيد

واسعة عليك

صورة
واسعة عليك العباية ..  بادعيلك بالهداية  تعرف مطرح ماجيتنا ..  وترحل للنهاية .  فهمنا المسرحية ..  من أول البداية  وعيونك باينة فيها ..  أبعاد كل الحكاية فاشل حتى ف تمثيلك ..  وكلامك كان كله كلام  بتبيع للناس غنا مواويلك ..  وتبروزها بالألحان .    جمهورك مأجور ومجامل ..    ماهو زيك معجون برياء  تعابين بالسم بتتعامل ..    والظاهر للناس ترياء متشكر جداً جداً ..  انك جبت من الآخر  نزلت قناعك بدري ..  وادي وشك بان ع الآخر .  ------------------------- مع الاعتذار للفنان القدير محمد سعد أحمد ثابت رضوان
قراءة المزيد