عاشـــــت مــصـــــــــــــــــــــر
عاشت مصر أبية وحرة احنا الشعب عملنا الثورة
ضد كلاب السلطة الضالة قالوا علينا ناس من برة
ههههاى طب وازاى؟ ايه مجنون نستورد تمانين مليون
خلوا السلطة ف حيرة ورعشة والعالم كانت مندهشة
طب ليه بس مايندهششوش لما نثور والحق نعوز
قالوا ثورتنا وقت فضا ياللا اتسلوا اهى فضفضة
هات الشرطة تشيل الليلة هات الشرطة كبش فدا
طيخ طاخ طاخ هههاه كانوا فاكرين الناس دى فراخ
هبااا وجريهم بعصايا هىء دى قديمة وغشم وصايا
دااحنا ياواد تمانين مليون ممكن نعمل مهما يكون
بعـت الجيش قال لاء كده إهدا دااحـنا الجيش والشعب ف وحـدة
مـش مـمـكـن أبــداً يـوم فـيهـم نضرب طيخ طاخ داانا حـاميهم
قـمـنـا فرحنا ف وقت ماثورنـا لـمـا خـلـعـنـا وطـار طـرطـورنــا
قـلـنـا خـلاص الـدنـيـا حــلاوة غــار الـزفـــت واهـلاً (ط - - نا)
ركـب الجيش ع الشعب ودلدل ولا بـيـردش ولا قــــال هـانـــــزل
نـفـــس المـنـطق نفس الســيما ابـيـض واســــود مـاركـــة قـديـمة
لابـيـتـكـلـم يــوم عـــن حاجـة وكـــأن الــنـــاس مـــش مـحـتـاجـة
والاحــوال بــاتـــت لــلاســوء مـش لاقــيــن نــاكــل طب نسرق؟
كــل مـانــطلــب تحصل حادثة لــعــبــة قــديــمــة والــنــاس فاقسة
طـــب نتــحاســب طـب نتفاهم رد الـبـيـه :اســكــت مــــش فــاهم
دى اجـنـدات بـــرة وم الآخـــر هـــو أكــيــد الـــطـــرف الـآخـــــــر
يانــهــار ابيض وخبر بــايــت نــفـــســى اطول الـــطــرف التالت
قـــالـــوا امــلــنــا ف ممثـلــنـا أأمــن حـاجــة الــديـــن يــااخــوانـا
رســتــأ نـفـســه قـام واترشـح بـعـد كــلام يـاســــلام ومـــوشــــــح
مــجــلـس سـيـما عـلـيـه القيمة بــيــعــبــر عــن ثـــــورة عــظـيـمة
هــات يـاكـلام وعــيـاط ونواح نـعــنـــاع وأدان كــــلـــه مـــبــــــاح
اخـتـزلـوا الـشـعـب ف مجـلسنا والــــمــوقـــــف مـــتـــأزم لـــســـة
كــل مــا نسأل عن شــهـدائـنـا ... عـــن أمــوالـــنــا .... عـن أحـوالـنا
لــســة وجــارى وبـشـفـافـيــة اصــل احــنــا يــادوبــك تـــشــريــع
كــل مـانــســأل عـن نــفــاذيـة يـعـلـن اجــمـــاع بــالـــتــــوقــــــيــع
يــامــعــيــن ع الناس التعابيـن ارحــمــوا شــعــب وفــيــه جــعانـين
وثــقـوا ف قولكم ليه ف عملكم مــش عــارف لــيــه مــش واثـقـيــن
عــايــزيــن ايه؟ كـلـنـا ساكتين لــو ثــورتـنا بـتـزعـلكم ..طب آسفين
بـس قـولـولناا هتجيبوا مـين ؟ اصـــل احــنــا فــقــدنـــا الأهــلــيـــة
أصــل احـنـا ماعدناش عارفين فــعــلاً حـــق أبـــوكـــــــــوا عــلــيـا
خــلانــا مـــــش بــنــى آدمـيـن طــيــب خــلــوا الــقــول ده عــلــيــا
هاتوا طرطور لينا ده طرطورنا الــلــى خــلــعــنــاه مـتـعــاص طــيــن
واهو راح طرطورنا وعارفـيـنه ياتـــرى طرطورنا الجـــاى مــيـــن؟
--------------------------------------------------------------
من كلماتى
أحـــــــمد ثابـــــــت
باعترف كنت فاهم غلط زي زي ناس كتير شرفاء برا اللعبة .. تحيا مصر بجيشها وشعبها .. أحمد ثابت
ردحذف