أون لايــــــــــــــن

     

      خــــليك اون لاين       على طول كدا باين

     سجلت عـشانك وعشقت كلامك       ليه ياللى بحبك على قـلبك هاين

     مدَّارى عــنى ومش باين       وانا اللى باين مشغول بيك

     وعاملى نفسك أوف لاين       ليه بــس بايع قلب شاريك

     نازل ف اعـجـاب من بدرى      وكــل ما اجـــى اعـــلق لـيــك

    تسيبنى وحـدى قـوام تـجـرى       قال يعنى مخفى ومش هلاقيك

    طـفيت جهازى أنا متضايق       زعـلان بافـكر فـين ألاقـيك 
   خليت مزاجى ماهوش رايق       بس اما تيجى هاولع فـــيــك

 واهوعـدى يـوم أنا قلت ظروف       صـابـرعـلـيـه ولا منه شكيت
    كفاية كدا هاعمله ريـمـوف       ومـن حـياتى أعــمـله دلـيـت

    ابعـت رسـالة الـومـه فيها       وبـراحـتـه لـمـا يــرد الـبيه

    الـقـاه ردوده مـافـيش فيها       م اللى فْ خيالى بافكر فـيه

    أرجـع واقـول أنـا مـتـأســف       ظـنيت غـلط وسامحنى ياريت
يا اللى بغـلاوتك أنا باحـلف       ولـيـل نهار حبك آب ديت

   خــــليك اون لاين       على طول كدا باين

  سجلت عـشانك وعشقت كلامك       ليه ياللى بحبك على قـلبك هاين

----------------------------------------------

من كلماتى

 أحــــمد ثابــــت