قالوا
آه واللهِ
أنا كنت ف حالى . قالوا قامت ثورة
الدنيا اتقلبت . لجهنم حمرا
عيش حرية عدالة اجتماعية
الناس ف الشارع . وف حيرة باتابع
خفت على ولادى . فوقفت أدافع
لجان شعبية ضد الحرامية
الناس مقسومة . بقى بينها خصومة
بعضها مصدومة . وكتير مظلومة
فلول . ثوار . اخوان . سلفية
الطغيان زال . واتغير حال
جه مجلس فلة . سلمها حلال
حكموا الإخوان . صندوق . شرعية
خلوها خرابة . والعيشة كآبة
الناس اتخنقت . اتمردوا يابا
30 من يونيو ثورة شعبية
الجيش والشرطة . والشعب فى واحد
وحكومة ف ورطة . خلونا نشاهد
حكومة طرية وجماعة ارهابية
ولإمتى هانفضل . ع الحال ده ياناس
الشعب اتبهدل . والصبر خلاص
حقوق انسان مافيهاش آدمية
---------------------------
أحمد ثابت رضوان
تعليقات
إرسال تعليق