أول شمعة

النهاردة طوارىء .. 

عايز الكل يشارك 

النهاردة العيد ..

ياللا الكل يزيط 

النهاردة ليليتها .. 

ياسلام على حلاوتها 

شقاوتها و ضحكتها .. 

تملا الكون زغاريط . 

والنهاردة العيد . 

أول شمعة وليلة .. 

لمت كل العيلة 

وادى تورتة وهولِّيلة .. 

فرحة وجو سعيد  

والنهاردة العيد . 

علِّى السقفة ياكوكى .. 

ويا أختك وأخوكِ 

بوسة لامك وأبوكى .. 

محروسة من العين  

والنهاردة العيد . 

------------------ 

عيد ميلاد سعيد ياكوكى 

بابا / أحمد ثابت رضوان