شهداء الاستاد
كان يوم أسود وحزين
على كل المصرين
الورد اللى زرعناه
مات فينا وقع فى الطين
ولحد دلوقتى الزهور
منسية ليه
مش شايفة نور
الحق ليهم بات بخور
ولسة كاتمين العطور
راح مننا انسان برىء
راح بالعَـلم يشجع فريق
راح أب لينا راح صديق
راح ابن فى سن الزهور
والعنف علينا جديد
لو فينا
غريب وبعيد
وبريئة يا بورسعيد
من كل دم شهيد
والدنيا اهى ماشية تمر
وانا فيها حاسس بالمر
ولا حق رجع لشهيد
وتعبنا كتير م الصبر
العدل مافيش ع الارض
طول ماحنا بنقتل بعض
ولا حد بيسمع حد
ومابينا اهو ضاع الحق
____________
لا تنسوا شهداء الاستاد
أحـــمــــــد ثــــــابــــت
تعليقات
إرسال تعليق