ثورة ما تمت

ثورة ما تَمِّت
 راكب عليها مليون غُراب

والساحة لمِّت
من كل حتة عايزين خَراب

حبة عرايس
 بتهز فيها كام إيد خفِيَّة

وكلام هجايس
 باين عليها دى مسرحية

سيرك اتنصب ع الخلق
  خليه بيتفرج

ربك بقى والحق
الناس دى بتهرج

بينادوا فينا يا حُرِّية
 وبيكتموا فيها و فِيَّا

ماهى تمثيلية
ابطالها مش حاجة عادية

حبة عرايس
 بتهز فيها كام إيد خفية

وكلام هجايس
 بيحلوا بيه المسرحية

رافعين ف صُوتهُم
وكأنه بيتهم
والشعب ضيف
جى شوية

حاسين بحالهم

وكأنه مالهم
والباقى ماله

فيها قضية

ماهى تمثيلية
ابطالها مش حاجة عادية
------------------------

من كلماتى

أحـــمد ثابـــت