راديو ثابت

كان ياما كان . كان فيه زمان ست البنات سكر نبات زى القمر  وسط الطريق . قابلت صديق تِعبان على هيئة بشر ولإنها وحدها باقية . وثقت فى صاحبها الداهية بلوى واتحطت فيها . وكان حكم القدر  معذورة اتخدعت فيه . فاكراه انسان أتاريه كداب خداع . تِعبان عامل بشر ------------------------------- أحـــمد ثابـــت

بارد ..  برود التلج ..  عمري ماشوفت بروده على حد . كل كلامه خالي الطعم ..  زي  المر مايملى الحلق .  كلمة بكلمة حافظاه صم ..  ياما صبرت ونفذ الصبر .  نفس ردوده آه يابروده ..  زي التلج .  ---------------------- أحمد ثابت رضوان

وماقولتهاش ..  بس ف عنيا ماحوشتهاش  مع إن حاسس انه فاهم ..  لكن عنيه بتقول بلاش . ليه تعيش ياقلبي وهم ليه ..  ماتفوق بقى م اللي انت فيه  لو كان في قلبه حاجة ليك ..    كان الغرام يبان عليه  --------------------------- أحمد ثابت رضوان

  عمال بتوحشني  وأنا سايبك يادوب ثانية مااقدرش على بعدك دا قربك عندي بالدنيا وماتسيبنيش تاني لوحدي أضيّع لحظة من وقتي أعيش فيها ماشوفش عنيك وماتلومنيش    على عشقي أقولك جربه وقولّي ولما تدوق تحس بإيه إحساس صعب وجميل ياناس العقل مني خلاص سلمت أمري أنا ليه كان فين  كل اللي فات كان فين  ضيعت عمري سنين  من قبل دا الاحساس  ---------------------- أحمد ثابت رضوان

تعبني الشوق ..  وجاب آخري .  ولا قادر ..  أروح أقوله .    وعشقي ليه  ..  دا من بدري .  وقلبي من زمان ..  مال له .     وهاجي على روحي وقلبي ..  واحوش نفسي   واكفّر في البعاد ذنبي ..   أنا وقلبي  عشان أصلاً ماهوش حاسس ..  ولا داري ايه الموضوع  وانا اللي لوحدي باتعذب ..  وقلبي اللي يبات موجوع . ----------------- أحمد ثابت رضوان

احتارت ف وصفه ..  وجماله من يومها وروحي ..  رايحاله في عنيه الواسعين ..  توهت صراحة ورموشه القاتلة ..  الدباحة  دبحت قلبي ..  يانا ياغلبي  سلمت خلاص .  كل الحلوين .. جنبه اتداروا  دا مامافيش اتنين .. كدا في جماله  بدر منور .. غير كل الناس   ورقيق في كلامه .. كدا وحساس . --------------------  أحمد ثابت رضوان

واسعة عليك العباية ..  بادعيلك بالهداية  تعرف مطرح ماجيتنا ..  وترحل للنهاية .  فهمنا المسرحية ..  من أول البداية  وعيونك باينة فيها ..  أبعاد كل الحكاية فاشل حتى ف تمثيلك ..  وكلامك كان كله كلام  بتبيع للناس غنا مواويلك ..  وتبروزها بالألحان .    جمهورك مأجور ومجامل ..    ماهو زيك معجون برياء  تعابين بالسم بتتعامل ..    والظاهر للناس ترياء متشكر جداً جداً ..  انك جبت من الآخر  نزلت قناعك بدري ..  وادي وشك بان ع الآخر .  ------------------------- مع الاعتذار للفنان القدير محمد سعد أحمد ثابت رضوان