راديو ثابت

وماقولتهاش ..  بس ف عنيا ماحوشتهاش  مع إن حاسس انه فاهم ..  لكن عنيه بتقول بلاش . ليه تعيش ياقلبي وهم ليه ..  ماتفوق بقى م اللي انت فيه  لو كان في قلبه حاجة ليك ..    كان الغرام يبان عليه  --------------------------- أحمد ثابت رضوان

  عمال بتوحشني  وأنا سايبك يادوب ثانية مااقدرش على بعدك دا قربك عندي بالدنيا وماتسيبنيش تاني لوحدي أضيّع لحظة من وقتي أعيش فيها ماشوفش عنيك وماتلومنيش    على عشقي أقولك جربه وقولّي ولما تدوق تحس بإيه إحساس صعب وجميل ياناس العقل مني خلاص سلمت أمري أنا ليه كان فين  كل اللي فات كان فين  ضيعت عمري سنين  من قبل دا الاحساس  ---------------------- أحمد ثابت رضوان

تعبني الشوق ..  وجاب آخري .  ولا قادر ..  أروح أقوله .    وعشقي ليه  ..  دا من بدري .  وقلبي من زمان ..  مال له .     وهاجي على روحي وقلبي ..  واحوش نفسي   واكفّر في البعاد ذنبي ..   أنا وقلبي  عشان أصلاً ماهوش حاسس ..  ولا داري ايه الموضوع  وانا اللي لوحدي باتعذب ..  وقلبي اللي يبات موجوع . ----------------- أحمد ثابت رضوان

احتارت ف وصفه ..  وجماله من يومها وروحي ..  رايحاله في عنيه الواسعين ..  توهت صراحة ورموشه القاتلة ..  الدباحة  دبحت قلبي ..  يانا ياغلبي  سلمت خلاص .  كل الحلوين .. جنبه اتداروا  دا مامافيش اتنين .. كدا في جماله  بدر منور .. غير كل الناس   ورقيق في كلامه .. كدا وحساس . --------------------  أحمد ثابت رضوان

واسعة عليك العباية ..  بادعيلك بالهداية  تعرف مطرح ماجيتنا ..  وترحل للنهاية .  فهمنا المسرحية ..  من أول البداية  وعيونك باينة فيها ..  أبعاد كل الحكاية فاشل حتى ف تمثيلك ..  وكلامك كان كله كلام  بتبيع للناس غنا مواويلك ..  وتبروزها بالألحان .    جمهورك مأجور ومجامل ..    ماهو زيك معجون برياء  تعابين بالسم بتتعامل ..    والظاهر للناس ترياء متشكر جداً جداً ..  انك جبت من الآخر  نزلت قناعك بدري ..  وادي وشك بان ع الآخر .  ------------------------- مع الاعتذار للفنان القدير محمد سعد أحمد ثابت رضوان

ليه لما افتح واللا اغمض  اشوف عنيه احساس ياخدني  كل ثانية  لشوقي ليه أروح اقابله عشان اقوله    أكون قصاده  أنسى الكلام واسكت أوام  مااعرفش ليه احساسي جوايا ارتبك  متلخبطة وانت السبب     مانت أول حب ليا بابتديه    مش مرة واحدة عادي هاتعود عليه  --------------------------- أحمد ثابت رضوان                                            

ولا حد يستاهل ..  دمعة وحزن عليه ياما كنت باتساهل ..  كتير في حقي عليه وأنا اللي استاهل ..  طولت بالي كتير عودته اتحايل ..  ولا جيبش حق عليه  لو كنت م الأول ..  كان ليا حد معاه  ماكانش يتحول ..  واحتار ياناس وياه  ولا كنت هاتحمل ..  وضاع زماني ف آه  صبري معاه طول ..  وشكوتي لله .  جرح القلوب الطيبة ..  بقى سهل جداً  وانا كنت فاكرك غير كده ..  اجرحنى شكراً  وهاوعدك م الوقت ده ..  أنا هاتغير كتير   واجرح قلوب كل البشر ..  واخلي جرحك كبير   ------------------ أحمد ثابت رضوان