راديو ثابت

حرام عليكِ وكفايا كده  طال الغياب قلبى اشتكى   حرام عليكِ كفايا بقى باشتاق عينيكِ ولا فيش لقا ليه روحتى وقولتى عدُّولى ناوية الغياب كنتى تقولى أعمل حسابى وارضى بعذابى على قد وقتى أفرد طولى صعبان عليا دمعة  عينيا ولا بيها دارية ولا سألتى ليه مرة واحدة تخلينى أبات فى حيرة وتنسينى والسهد عيشتى وكفاية حيرتى   ها تغيبى مش كنتى تقولى بشويش عليا تعبت عينينا ولا قلتى جاية نفد  صبرى -------------- تحياتى أحمد ثابت

ياحتة من قلبى ياكل نور عينى يصونك ربنا  دايماً قصاد عينى ياأول فرحة وهدية كبرت يا ورد فى عينيا عقبال كم سنة وافرح بيك أنا وعيالك من حواليا وكل عام  نفس الميعاد هانغنى ليك تعيش وتعمل عيد ميلاد ونهنى فيك وفى يوم ميلادك نتجمع من فرحتى عينى تدمع عقبال مااشوفك ياابنى عريس ويرن صيتك ويسمع ------------------ كل سنة وانت طيب يا أول فرحة بابا أحمد ثابت

هاختار البعد والله أحسن لا معاه أتعب ولا يوم أحزن احترت معاه كل مااقرب يبعد أبعد ييجى يقرب شكاك وأنانى وغاوى تعقيد بيعيش فى خيال وخياله مريض بيحاسب النسمة اللى تعدى لو طار شعرى و لمس خدى جراح فى كلامه   وطبعه عنيد وأنا عايشة غرامه بشكل بسيط ولإمتى أنا صابرة الله أعلم خلينى بعيد والله أحسن ------------- تحياتى أحـــمد ثابـــت

وأنا بين إيديك  فرحانة بيك  أنا كنت إيه  من غير عينيك كل اللى فات قبلك آهات  جنبك بقيت  بانساها بيك مش عارف تيجي بدري    تلحق سنين عمري تخطفني من حياتي  وتاخدني بين إيديك ضمني بإيديك  قربني كمان خبيني في حضنك عوضني  شبعني حنان نسيني أنا فين    نسيني أوام  خليني معاك تحلا الدنيا  وتحلا الأيام حبك جددلي عمري    وانا اللي عشقت صبري  حققت بيك آمالي  والجاي هاعيشه ليك  ------------------ أحمد ثابت رضوان

الصِّيت ولا الغـِنىَ يابنى ابعد عننا دوَّر على حد قدَّك عنوانك مش هنا الصيت .. الصيت .. الصيت .. الصيت ولا الغـِنىَ دا احْنا يادُوب بطـُولنا عايشين راضيين بحالنا والصيت بقى هو مالنا ايه جابك عندنا الصيت .. الصيت .. الصيت .. الصيت ولا الغـِنىَ لو كنت جىْ على شُوق انى احنا هاىْ ولـْ فـُوق خليك معانا ودُوق على قد بختنا الصيت .. الصيت .. الصيت .. الصيت ولا الغـِنىَ احترت كتير فى أمرك قدامك تحت أمرك سنين فاتت فى عمرك اشمعنى الوقت ده الصيت .. الصيت .. الصيت .. الصيت ولا الغـِنىَ طمعان فى إيه ياقـَدَرِى خليك صريح ودُغـْرى مافيش غير بس حـُبى مش أكتر من كـِده الصيت .. الصيت .. الصيت .. الصيت ولا الغـِنىَ --------------------- تحياتى أحمد ثابت

 كل اماتيجى سيرته  قـلـبـى يـسـلـم عـلـيـه  واتـمـنـى احـلـم بصورته  وجــمـالـه  اتــــمـلا فـيـــه اللهم صلى  .... وسلم عليه ياااااااه لو اعيش ويااااااه ياااااه تبقى أحلى حياة يااااااه اشتاقت إليه يااه ماتصلوا عليه اللهم صلى  .... وسلم عليه حب الرسول محلاه شـافى العـلـيـل ودواه كان نفسى أكون وياه بالـعـالـم واللى فـيه اللهم صلى  .... وسلم عليه ياااااااه لو اعيش ويااااااه ياااااه تبقى أحلى حياة يااااااه اشتاقت إليه يااه ماتصلوا عليه اللهم صلى  .... وسلم عليه  معايا فى كل عملى ومعاه كـان هـو أملى يـارب ارزقـنـى نـوره واشـرب مـن بـيـن ايـديـه اللهم صلى  .... وسلم عليه ياااااااه لو اعيش ويااااااه ياااااه تبقى أحلى حياة يااااااه اشتاقت إليه يااه ماتصلوا عليه اللهم صلى  .... وسلم عليه ده رحمة للعالمين عـلى سـنـتـه ماشيين من فوق سـبـع سموات بـجـلالـه صــلـى عـلـيـه   اللهم صلى  .... وسلم عليه ------------------------ صلى الله عليه وسلم تحياتى أحمد ثابت